HPC (D) nena inbiakna zofel

2 days 1 hour ago
Mizoram sorkar leh Hmar People’s Convention (Democratic) te remna zawnga inbiakna ni 2 awh chu nimin khan tluang taka zawhfel a ni a, inbiakna hi Aizawl-a State Guest House ah neih niin, Mizoram sorkar aiawha tel Home Department Addl. Secretary, Lalbiakzama chuan inremna siam tura tih tur hrang hrangte duangin, Sinlung Hill Council din tur hnathawh dan tur leh thuneihna a neih chin tur te sawiho tih a sawi a. HPC (D) te’n sorkar hnena an ralthuam an hlan dan turte leh hel 60 te tuamhlawm dan turte sawiho a ni bawk. Ruahman ang chuan inbiakna neih leh tur chu Political Level-ah neih tawh tum a ni ang.
- Published by Lenkawl, the first independent daily newspaper in Serchhip, since 1981.
Zonuna Kawlni

DoNER Minister in hmanpui

2 days 1 hour ago
Ni thum chhung awh Sustainable Mountain Summit Vawi ruk 6- na, Mizoram University Auditorium-a neih chu niminpiah tlai khan Do-NER Minister Dr. Jitendra Singh chuan telpuiin India ram state zawng zawng ah hmasawnna intluktlang a awm theih nan DoNER Ministry chuan ngawrh taka hna a thawh zel tur thu a sawi. Sustainable Mountain Summit-ah hian DoNER Minister chuan India hmar leh hmarchhak state 11, tlangram a awmte, a bik takin India hmarchhak state te chu an chenna leilung a danglam zawk avangin an harsatna tawh pawh a danglam bik \hin tih Sorkar laipuiin a hriatpui thu leh heng harsatna hrang hrang avang hian hmasawnna hna thawh chak harsa \hin mahse India ram state zawng zawng ah hmasawnna intluktlang a awm theih nan DoNER Ministry chuan ngawrh taka hna a thawh zel tur thu a sawi a. India hmarchhak state-te chu a mawiin boruak a nuam tih chu hai rual ni lo mah se ram innghahna tur \halaite ah mahni state ei leh bar dinhmunah duh khawp lohna leh hmasawnna chak zawk thlakhlehna a awm a ni, a ti a. Chumi avang chuan sorkarin tlangram a cheng \halaite hi ramchhung state dang \halaite rualpawl turin leh inel pha turin entrepreneurship leh skill development lanah hma a lak mek thu a sawi bawk.
DoNER kaltlangin India hmarchhak state te leh India state dangte nen hnuk hnai zawk turin inkalpawhna leh inbiakpawhna te ti hmasawn in nasa taka hna thawh a nih thu Minister chuan a sawi a. Tourism bakah sumdawnna kawngah heng tlangram state-te hian potential \ha tak an neih te haichhuah a \ulzia sawiin, nakin lawkah chuan state dangten India hmarchhak a cheng te a\anga zir tur leh entawn tur tam tak an nei tih an hriatchhuah tur thu leh, chutianga entawntlak ni tur chuan a chhunga cheng te pawhin hma an lak a beisei thu a sawi bawk.

- Published by Lenkawl, the first independent daily newspaper in Serchhip, since 1981.
Zonuna Kawlni

Trading Regulation kalpui ve harsa lo turah ngai

2 days 1 hour ago
Arunachal Pradesh in Trading Regulation an kalpui dan zirchiangtu te chuan Arunachal Pradesh-a Trading Regulation ang chu Mizoram-ah pawh hman harsa lo turah an ngai tih an sawi. YMA Rorel Inkhawm, 2017 in "Mizoram in Trading regulation \ha leh changtlung zawk a neih theih nan Central YMA-in hma la rawh se" a lo tih angin Central YMA chuan Mizoram Sorkar nen \angrualin Arunachal Pradesh-in Trading Regulation 2009 an neih chu a hmunah ngei zirchiang turin tunkar Thawh-lehni khan Central YMA Vice President, Vanlalruata leh Fin. Secretary, Lalrochhuanga Pachuau te chuan Zahmingthanga Ralte. Jt. Secretary, Law & Judicial leh Ronald Rokhum, Marketing Officer, Commerce & Industry te nen Arunachal Pradesh hi an tlawh a, Arunachal Pradesh in Trading License an hman mek ah hian a ram leilung fate chauh in an dil thei a, Trading License hi hnamdang mi hnenah an la pe lo a, hei hi Mizoram-ah pawh kalpui harsa lo turah an ngai tih an sawi a ni.
- Published by Lenkawl, the first independent daily newspaper in Serchhip, since 1981.
Zonuna Kawlni

Bungtlang khua ah Swachhata-Hi Sewa hmangin Chhungkaw tin ten bawlhhlawh bawm sem an ni

2 days 1 hour ago
Serchhip-a PHE Department buatsaihin nimin khan Bungtlang-ah National Wide Sanitation Campaign, Swachhata-Hi Sewa hman a ni a, he hunah hian Bungtlang khua a chhungkaw tin te hnenah Bawlhhlawh bawm sem niin Bawlhhlawh paihna hmun siamna tur cheng nuai 10 chu Village Water & Sanitation Committee te kutah hlan a ni bawk.
Bungtlang Community Hall-a National Wide Sanitation Campaign, Swachhata-Hi Sewa ah hian Khuallian nia he hun hmanpuitu Sr. Executive Engineer PHE Serchhip WATSAN Division, Er. F. Lalsangluara chuan Kohhran in kan Thlarau lam thianghlimna a kalpui laiin Swachh Bharat Mission chuan pawn lam thianghlimna an kalpui tih a sawi a, PHE Department chu mipui vantlang hriselna, Public Health kalpuitu a nih angin thianghlimna atana pawimawh ber Tui lak hna an thawh \hin thu sawiin, Tui hi thianghlimna atan a pawimawh avangin kan tui hnarte kan humhalh a, In lam mai bakah ram lama kan tui te khâwlna atan kan ramngaw te humhalh a \ul hle a ni, a ti a. Kan bawlhhlawh leh zun leh Ek ten tui a tih bawlhhlawh \hin avangin hemi kawngah hian kan inthiarfihlim a ngai a ni tiin, thianghlimna nei turin khawtlang hruaitu te ringawtin an thawk thei lova, khawtlang mipui \anrual a ngai a, hetihrual hian VC te pawhin khauh taka hma an laka mipuite pawhin an hmalakna an zawm a \ul a ni, a ti bawk. Er. F. Lalsanglura chuan Economics leh faina chu thil inzawm tlat a nih thu sawiin, kan hrisel loh chuan kan thawhchhuah ang ang te pawh inenkawlna atan sen a \ul \hin avangin intodelh tur pawhin hrisel chu a pawimawh thu a sawi a. Kan District chhunga khaw awm zawng zawngte chu Pawnler-a inthiar awmlohna, Open Defecation Free (ODF)-ah an inpuan vek tawh thu sawiin, sorkar in ruahmanna a siam thar ah chuan ODF-a inpuang lo khua te chu sorkar a\angin Tui lakna pawh ngaihtuah sak theih an ni tawh dawnlo tih a sawi a. Kan hma lawka Faina Hapta kan hman leh turah pawh khawlai fai-a hmalak chu a pawimawh rualin natna min thlen theitu, kan inthiarna faina kawngah te pawh hma lak nise \ha a tih thu a sawi a, he huna kalkhawm te chu faina kawngah pen khat tala hmasawn tum turin a chah bawk. Serchhip PHE SDO, Er. Lalrintluanga kaihhruai he hunah hian Bungtlang Village Water & Sanitation Committee Chairman, J. Lalhmuak-liana chuan an khawtlang faina atan nasa taka hma an lak thu leh an hmalakna te pawh mipui ten an zawm \ha hle nia a hriat thu a sawi a, khawdang a\anga an khua tlawhtute pawhin an khua chu ‘Khaw fai’ tia an sawi \hin thu sawiin, PHE Department hmalakna in an khua ah bawlhhlawh paihna mumal tak nei tura hmalak a nih dawn thu a sawi bawk. Nimin a he hun hmanna ah hian Bungtlang khua a chhungkaw 436 te chu Swachh Bharat Mission (Gramin) kaltlangin bawlhhlawh bawm \ha tak sem an ni a, chhungkaw tin te bakah hian Primary School 4, Middle School 2, High School, Higher Secondary School, VC House, Anganwadi Centre 5 leh Bazar Branch YMA Library-a hman tur 15, a vaiin Bawlhhlawh bawm 451 chu sem a ni a, hemi rual hian hmun hnih a bawlhhlawh paihna tur siamna tur Cheng nuai 10 sunction Order chu Village Water & Sanitation Committee Chairman kutah hian a hlan nghal a ni.
- Published by Lenkawl, the first independent daily newspaper in Serchhip, since 1981.
Zonuna Kawlni

Khawlai-a bawlhhlawh paih ten pawisa chawi dawn

2 days 1 hour ago
UD&PA Minister, Zodintluanga chuan India rama a vawikhatna atan Aizawl khawpui hmun hrang hrangah bawlhhlawh khawlai a paih ten pawisa chawi zel tawh tura ruahmanna siam anih thu a sawi. National Service Scheme (NSS) Foundation Day Vawi 49-na lawmna nimin zing-a Aizawl Sipai Lammual-a neih a hmanpuina ah UD&PA Minister, Zodintluanga chuan he thu hi sawiin NSS hnuaia \halai zirlaite hnathawh chu chhuanawm a tih thu a sawi a. Mizoram chu State fai ber ni turin hmalak mek a nih thu leh hemi kawngah hian NSS-te an pawimawh hle tih a sawi a. Miharsa leh damlo ten an hman \angkai theih tura NSS-in thisen an pe \hin chu lawmawm a tih thu a tarlang a. Littering fine kalpuina turah pawh NSS-in an thawhhlawk hle dawn tih a sawi a. Kalkhawm zirlaite chu tifaitu piah lamah tibaltu nilo turin a chah a. Minister chuan an hnathawhna leh hmalakna hrang hrang \ha taka chhunzawm zel turin NSS chu duhsakna a hlan nghal bawk.
National Service Scheme (NSS) hi September Ni 24, 1969 khan din tan niin kumtin NSS Foundation Day lawmna neih \hin a ni a. Tun dinhmunah hian India ram pumah NSS Volunteer nuai 40 vel an awm mek a. Mizoram-ah chuan kum 1972 khan Pachhunga University College (PUC)-ah din a ni a. Kum 1996 a\ang khan Higher Secondary School-ah din \an a ni bawk. Tun dinhmunah hian Mizoram pumah College 26 leh Higher Secondary School 54-ah NSS hi an awm mek a ni. NSS hmalakna hrang hrang zingah faina chungchang inzirtirna leh public hmun thenfai hi an ngai pawimawh hle a. Nikum chhung khan Cleanliness Drive vawi 190 vel neih niin kumin hian vawi 100 vel Cleanliness Drive hi an lo kalpui tawh bawk a ni.
- Published by Lenkawl, the first independent daily newspaper in Serchhip, since 1981.
Zonuna Kawlni

Ramchhunga khaw 50,000 rethei awmlohna ah puan tum

2 days 1 hour ago
Sorkar laipui chuan kum 2020 ah khaw thlan-chhuah bik 50,000 te chu mi rethei awm tawh lohna a puang turin hma ala mek a, hemi atan hian Mizoram-a khaw 183 thlan tel a ni. Rural Development Minister, R. Lalzirliana chuan nimin a Chief Secretary’s Conference Hall-a thuthar thehdarhtute a kawmna ah he thu hi sawiin, India ram a\anga retheihna umbo tumna program hlawm lian chu Mission Antyodaya tih a nih thu a sawi a, tun a khaw thlanchhuah bak khawdang te chu kum 2022-ah rethei awm tawh lohna a puan leh a nih tur thu a sawi bawk.
Minister chuan hmalakna atan hian Oct. ni 1 a\anga ni 15 inkar chhunga Mizoram puma hun hman dan tur duanfel tawh chu sawilangin, kar hnih chhung hian khaw thlan bik 183 te tan Baseline Survey neih tur a ni a, hemi rual hian heng khaw thlan bikte a\anga BPL awm tawh lohna tur atana hmalakna turin Gram Panchayat Development Plan (GPDP) siam nghal tur a nih thu a sawi a. Survey neih hnu hian hma la \ha leh hemi hnuaia ti\ha khua te chu lawmman siam sak an nih dawn thu Minister chuan a sawi a, hemi atan hian tehfung hrang hrang zingah - Faina lam te, GPDP siam\hat dan te leh Vantlang inkhawm an kohkhawm dan te a tel tur thu a sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni

MoS thar atan Vanlalawmpuii Chawngthu lakluh leh a ni

2 days 1 hour ago
Mizoram Larsap, Lt. Gen. Nirbhay Sharma chuan nimin tlai khan Hrangturzo bialtu MLA, Vanlalawmpuii Chawngthu chu Minister of State ni turin rinawmna thu tiam tirin a lalut. Nimin a Minister thar lakluhna hun hi Raj Bhavan Multipurpose Hall-ah neih a ni a, he hunah hian Larsap chuan Hrangturzo bialtu MLA, Vanlalawmpuii Chawngthu hi rinawmna thu tiam turin a lalut a ni. November Ni 25, 2013-a Mizoram Legislative Assembly inthlanpuiah khan MPCC President leh Chief Minister, Lal Thanhawla chu 26-Serchhip (ST) leh 28-Hrangturzo (ST) Assembly Constituency-ah te thlantlin a ni a. Hrang-turzo bial a chhuahsan tak avangin April ni 11, 2014 khan Hrangturzo Assembly Constituency-ah by-election neih a ni a. Vanlalawmpuii Chawngthu hian a khingpui awmchhun chu hnehin May ni 16, 2014 khan tling a puan a ni. Kum 1987 hnua Mizo hmeichhe MLA hmasa ber leh Mizoram Legislative Assembly 7-na a hmeichhe awmchhun ni turin Speaker, Hiphei chuan May ni 20, 2014 khan rinawmna thu tiam tirin a lalut a ni.
Vanlalawmpuii Chawngthu hi Minister hlui C. Chawngkunga leh Lalliankimi Sailo te fanu niin, zirna lamah MA (Political Science) a ni a. Tunah Mizoram State Commission for Women Chairperson niin, Mizoram Pradesh Youth Congress Committee (MPYCC)-ah President nihna a chelh mek bawk a ni. September Ni 20, 2017 (Nilaini) khan Aizawl South-III bialtu MLA, KS. Thanga chu Minister of State atan lakluh a lo ni tawh a. Vanlalawmpuii Chawngthu nen hian Chief Minister, Lal Thanhawla kaihhruai sorkar ah hian Council of Minister 12 an ta a ni. Vanlalawmpuii Chawngthu hi Mizoram sorkar-a Hmeichhia Minister pahnihna a ni a, kum 1987-a Laldenga kaihhruai MNF sorkar-ah khan Lalhlimpuii chu Minister a lo ni tawh a, hemi a\anga kum 30 a liam hnu, kum 2017-ah Mizoram chuan Minister atan Hmeichhia a nei leh ta chauh a ni.
- Published by Lenkawl, the first independent daily newspaper in Serchhip, since 1981.
Zonuna Kawlni

DoNER Minister hovin Aizawl-ah Water, Sanitation and Hygiene (WASH) Workshop neih a ni

2 days 1 hour ago
Union Minister of State for Development of North Eastern Region (DoNER) Minister Dr. Jitendra Singh hovin nimin khan New Secretariat Conference Hall-ah Water, Sanitation and Hygiene (WASH) Workshop neih a ni. Water, Sanitation and Hygiene (WASH) Workshop-ah hian DoNER Minister chuan sorkar laipui hmalakna in rampumah faina beihpui thlak mek a nih thu leh a hlawhtlinna tur chuan India rama mi chengten beihpui thlak hunchhung chauh ni lova, fai hi nunphung ve renga an neih a \ul thu a sawi a. State dangte nena khaikhinin Mizoram chuan faina kawngah hma a sawn chak hle tih sawiin, Pawnler-a inthiar awm tawhlohna Open Defecation Free State-a puan theih turin chak takin hma a la mek tih hriain hmun dangte tan pawha entawntlak khawpa State fai neih tum turin Mizoram mipuite a chah a. Faina leh thianghlimna hian mahni leh chenna hmun tihfai mai bakah rilru leh ngaihtuahna thianghlim thlengin a keng tel a ni, a ti.
He huna khual zahawm Health Minister, Lal Thanzara chuan Mizoram chu fai leh thianghlimna kawngah nasa takin a \hang tih sawiin, kum 2006 leh 2014 inkarah ringawt hriselna leh faina kawnga hmasawnna avangin Mizoramah naupang cher lutuk (underweight) za zelah panga in an tlahniam hman a, naupang \hang theilo (stunting) rate pawh za zelah 92 zetin a tlahniam tih a sawi a. Fai leh thianghlimna kawnga Mizoramin chak zawka hma a sawn theih nan mitinte an pawimawh a, zirlai naupangte a\angin zirtirtu, nu leh pa te, khawtlang hruaitute leh sorkar thawhho leh \anrualna a pawimawh hle a ni, a ti bawk.  Mizoram Chief Secretary, Lalmalsawma kaihhruai WASH Workshop-ah hian Department pali- Urban Development & Poverty Alleviation (UD&PA), Public Health Engineering (PHE), School Education leh Health Department aiawhten faina beihpui Swachh Bharat an kalpui dan leh an hmalakna tlangpui an tarlang a. Mizoram hian Faina Hapta hi kum 1977 a\ang khan a lo hmang \an tawh a, kumin hi a kum 40-na niin India rama state fai ber nih tumin \an a la mek a. Kum 2015-ah khan State khawpui fai thlanchhuah zingah pakuana niin 2017-18-ah khawpui 434 zingah 105-na a ni. Mizoram State-a khawpui 17-te ODF an ni tawh a, endikna hmachhawn tur khawpui panga an la awm a. UD&PA Department chuan Sanitation-a an thawh \hat avangin Skoch Award leh HUDCO Award pawh a lo dawng tawh nghe nghe a ni.  Ministry of Human Resource Development-in Swachh Vidayala Puraskar a kalpuiah kum 2016-17 chhung khan Mizoram a\angin School 22-te chu School fai, Five star nihna pek an ni a, Champhai District a\angin School pakua zet he intihsiaknaa an tel theih avangin School tel thei tam ber dawttu an ni a, HRD Minister hnen a\angin Award an dawng a ni. 
- Published by Lenkawl, the first independent daily newspaper in Serchhip, since 1981.
Zonuna Kawlni

Chhiatna thleng tuar nêp thei tura ruahmanna siam a ṭul

2 days 18 hours ago
Nimin khan Mizoram State Disaster Audit Team chuan chhiatrupna lo thlen palha Serchhip District chhunga chet lak dan tur leh Department-ten chêt lâk dan tur an ruahmanna (Serchhip District Disaster Plan leh Departmental Disaster Plan) te endikna hun an hmang a ni. Chhiatrupna (Disaster) hi engtika lo thleng tur nge tih leh engtianga nasaa thleng […]
Editor

Atletico-ah Costa a kir dawn

2 days 18 hours ago
Chelsea chuan an striker Diego Costa chu Atletico Madrid lam kir tir leh an remti ta a, amaherawhchu January thla hma chu Atletico Madrid hian Costa hi an lalut thei dawn lo a ni. Costa hi Blues boss Antonio Conte-a’n a ruahmannaah a tel tawh loh thu a sawi hnuah kumin nipui transfer window khan […]
Editor