Friday, 12th January, 2018

Dan lova ram hralh thu ah hma la turin thuneitute phut

Peace Accord MNF Returnee Association (PAMRA) Saizahawla District Hqrs. Serchhip chuan hnamdang hnena ram hralh chungchang leh Mizo hmeichhia, hnamdang pasal-a nei te chung-changah Dan ang hmalak an phut. PAMRA Sai-zahawla District Hqrs. Serchhip hian thuchhuah siamin tunhnaia Serchhip Bilzel Veng-a Ro\huami’n a In hmun, hnamdang hnena a hralh chungchang ah YMA Sub-Hqrs. Serchhip Kumpuan Committee ten Serchhip DC hnena complain an siam chu an thlawp thu an tarlang a. ‘Mizoram-ah hnamdang (Non-Tribal) ten ram an leiin an nei theilo’ tih ‘The Mizo District Control of Tranfer of Land Act 1963’ a tarlan a nih angin helai hmun inlei hi Dan kalh anih angin Cancel anih ngei theih nana hma la turin thuneitute an phut thu an tarlang a ni.
PAMRA Saizahawla District Hqrs. Serchhip chuan Mizo hmeichhia, pasal atana hnamdang nei te, an pasal ten phalna nei ang maia sumdawnna an kalpui \hin pawh \ha an tih loh thu sawiin, Supreme Court rulling chuan, ‘Tribal hmei-chhia in Non-Tribal pasal-a a neih chuan amah leh an fate chu Non-Tribal an ni’ a ti nia tarlangin, he Dan avang hian hetiang ang mite chuan ram leilung fate chanvo an chan ve a thianglo tih sawiin, he Dan kalh a khawsa te reng reng chu Dan in a phut anga an chunga rorelna lek turin thuneitute an phut thu an sawi bawk. Tunlaiin ILP Sponsor dik lova hnamdang (vai) sponsor ching Mizo zingah an awm \hin pawh \halo an tih thu sawiin PAMRA Saiza-hawla District Hqrs. Serchhip chuan, ILP diklo taka hmanga hnamdang sumdawng \hinte hi tibo tura hma la turin thuneitute an phut thu an sawi a. ILP Condition/Restriction-ah chuan hnamdangin a sponsor-tu hna chauh a thawk tur a ni a, a sponsor tu nilo hna thawh hi dan kalh tlat anih avangin a sponsor tu hna nilo thawkte man chhuak a, an ILP Cancel turin thuneitute an phut thu an sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni
Fri, 01/12/2018 - 13:25

MLPC Act hnuaiah mi 1079 manin thubuai 1305 ziaklut

Excise & Narcotics Department chuan kum 2017 chhung khan Zu leh a kaihhnawih chi hrang hrang \hahnem tak manin Mizoram Liquor (Prohibition and Control) Act, 2014 hnuaiah mi 1,079 manin, thubuai 1,305 an ziaklut bawk. Mizoram sawrkar-a Excise & Narcotics Department hian kum liamta 2017 chhung khan Rakzu litre 16,616.035 leh Sap zu Um puitling ûm 4,488 leh a chanve Um 8,040 an man a, Zu bilhlai |in 36,361 zet bakah Zu siamna dawidim kg. 23.050 an man bawk a. Ramdang a\anga lakluh sapzu Um 14 an man a; Beer can ml. 650 bûr 249, ml. 500 bûr 7,138 leh ramdang a\anga lakluh Beer bûr 2,736 an man bawk a ni. Zu man kaihhnawihah hian mi 1,079 man an ni a, chung zinga mi 1,305 chu MLPC Act leh Mizoram Excise Act (ME Act) 1973 hnuaiah thubuai siamsak an ni. ME Act bik hnuaiah mi 256 an man a, chung zinga 233 chu thubuai an siamsak a. Zu kaihhnawihah vêk hian bêl 279, plastic bûr panga, Two Wheeler paruk, Three Wheeler panga leh LMV 28 an man tel a ni. END hian kum 2017 chhung khan Heroin kg. 6.035, Ganja kg. 391.968, Ganja kûng 4,127, Nitrazepam mûm 396, Alprazolam mûm 5,223, Tramadol mûm 1,506, khuh damdawi bûr 1,601, Dex­tro­propoxyphene mûm 4,034, Methamphatamine mûm 13,400 leh Pseudoephedrine (khehpuam) mûm 1,59,471 an man bawk a. Damdawi leh ruihhlo kaihhnawihah hian NDPS Act hnuaiah mi 488 an man a, mi 407 chu thubuai an siamsak a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Fri, 01/12/2018 - 13:25

Thursday, 11th January, 2018

46th Assam Rifles in 'NGOs Conclave 2018' buatsaih

Nimin khan Aizawl-ah 46th Assam Rifles te buatsaihin 'NGOs Conclave 2018' neih a ni a, he hunah hian 46th Assam Rifles Commandant, Col. Pratyus chuan nasa lehzuala Mizo mipui tan Assam Rifles ten hnathawh an tum thu leh, tlawmngai pawlte nen inpawh lehzuala thawhho an duh thu a sawi. Loch House, 46th AR-a 'NGOs Conclave 2018'-ah hian Col. Pratyush chuan tunhma kum 20 chuang zet kaltaa Zokhawsang hmuna sipaite awmna tur ruahman \an a nih khan inremnaah Mizoram sorkar tih ve tur engemaw zat a awm a, chung zingah chuan kawlphetha pek te, kawng siamte leh tui pek te a tel thu sawiin, tun dinhmunah tihhlawhtlin loh a la awm nual avangin sipaiten Aizawl-a hmun laili an la luah reng niin a sawi a. Aizawl khawpui laili chep taka sipai inkhungkhawm ai chuan hmunhma zau leh nuam zawka khawsak chu an duh zawk nia sawiin, sipaite chu tirhna apianga lawm taka kal mai tur an nih thu a sawi.
Nimin a NGO Conclave-ah hian Central YMA, MFA leh MZP aiawhte telin heng pawl aiawhte hian thu an sawi a. Central YMA President, Vanlalruata chuan sipaite leh Mizo mipui inthlunzawm hnaih lehzual a pawimawh thu a sawi a, chumi atana thawhdunna tur kawng a tamzia tarlangin, thingtlang hmun kilkhawra chengte tana kawng hawn sak te, an hriselna leh zirthiamna lam hmasawnna tur ngaihtuah sak kawngah te sipaiten tha an thawh theih tur thu te a sawi a. Mizo \halai tam tak, hmundanga kal chhuak tur, \awng thiam silo te zirtirna kawngah pawh Assam Rifles te an tangkai theih tur thu a sawi bawk. He hunah hian MFA leh MZP aiawhte pawhin thu an sawi bawk. Assam Rifles hi kum 180 zeta upa an ni tawh a, khawvela Paramilitary Force upa ber niin, 46th Assam Rifles bik hi Assam Rifles zingah chuan a naupang ber, kum 12 chauha upa an la ni thung.
- Published by Lenkawl, the first independent daily newspaper in Serchhip, since 1981.
Zonuna Kawlni
Thu, 01/11/2018 - 12:24

Commerce & Industries Minister leh Australia Consul General ten Mizo dehchhuah tihral dan tur an sawidun

Commerce & Industries Minister, H. Rohluna leh Australia Consul General, B. Vanlalvawna IFS te chuan Mizo dehchhuah zau zawka hralhchhuah dan tur chungchang nimin khan an sawidun. Commerce & Industries Minister Office Chamber-a he sawihona hunah hian Commerce & Industries Minister, H.Rohluna chuan Handloom lama Mizo puantah hmeichhe puanbih ang chi ringawt hi chu Mizoram chhungah pawh a hralhchhuahna a hnawng \ep tawh tih sawiin, hnamdangten an duh tur leh thawnchhuah theih tur ang zawnga kal a hun tawh tih a sawi a, Mizo dehchhuah ramdanga hralhchhuahna kawnga \an lak chu a hun hle tawha a hriat thu sawiin, New Delhi-a Trade fare neih \hinah pawh Mizoram Sall chu a lun thei hle a, Mizote hi kan mit a fing a, kan dehchhuah rawng hrang hranga cheimawi dan hnamdang pawhin an duh hle, \anho dan awm thei se, Handloom products chi hrang hrang zau zawka hralh chhuak tura thawhdun dan awm thei se a duh thu te a sawi bawk.
He hunah hian Sydney-a Consul General, B.Vanlalvawna chuan sumdawnna leh peipunna lamah Mizoram tan kawng a awm thu Minister hi a hrilh a. Puantahna hmanrua lamah te pawh inpuih theih dan kawng a awm thu sawiin, Australia hian handloom lamah an mamawh ang tawk an hmu thei lova, Mizo dehchhuah Australia-a hralh tura hmalak dan kawng a awm thu leh thiltih dan tur te Minister hi a sawipui a. Commerce & Industry-in dehchhuah a neih theih chuan a hralhna tur lam chu Sydney-ah a \ul dan ang anga an lo buaipui theih tur thu Minister hi a hrilh bawk. He inkawmnaah hian Handloom lama dehchhuah nei \hate thlangchhuakin Australia lama heti lama sumdawngte nen Video Conferencing-a inkawm zui nise, thla hnih khat hnuah bawhzui nghal nise an ti bawk. Nimin a Australia Consul General nena an inkawmnaah hian Minister hi Commerce & Industries Commissioner, Zothankhuma leh Director, Hmingthanmawia ten an \awiawm a ni. 
- Published by Lenkawl, the first independent daily newspaper in Serchhip, since 1981.
Zonuna Kawlni
Thu, 01/11/2018 - 12:24

Republic Day hman dan tur rel

Tun thla ni 26-a India Republic Day lo thleng tur Serchhip-a hman dan tur ngaihtuahin nimin khan Serchhip District Bawrhsap, Sangchhin Chinzah hovin sawrkar mi pawimawh te leh khawtlang hruaitute an \hukhawm. Serchhip DC’s Meeting Room-a India Republic Day vawi 69-na lawm dan tur relna hunah hian District Bawrh-sap, Sangchhin Chinzah chuan India ramin ama siam ngei ram Danpui a hman \anna ni hriatrengna, ram tana ni pawimawh tak hlawhtling taka Serchhip-a hman a nih theih nan sawrkar hna-thawk zawng zawngte, tlawmngai pawl leh khaw-tlang hruaitute leh kohhran hotute thawhpuiah a sawm a. |ha taka hman a nih theih nana Department hrang hrang leh mimal hrang hrang te hnena tih tur an intukte \ha taka tihlawhtling theuh turin a ngen bawk.
Nimina Meeting hian, Republic Day hmanna atan DC Playground, Khawtetlang chu thlangin zing dar 11:00-ah \an a ni anga, Ground a hun hman zawhah hian DC Bungalow-ah sawm bikte tan At Home Tea Party neih nghal a ni ang. He Ni-ah hian khuallian atan District Bawrhsap ruat a ni a. Parade Contingent 17 vel ruahman a nih bakah 10th Assam Rifles ten Weapon Display an nei anga, Dog Show neih leh tura ruahman niin he ni denchhen hian Volleyball Tournament buatsaih tur a nih bakah Home leh Jail-ah te thilpek sem leh a ni bawk ang.
- Published by Lenkawl, the first independent daily newspaper in Serchhip, since 1981.
Zonuna Kawlni
Thu, 01/11/2018 - 12:23

Serchhip District Consultative Committee \hukhawm


PMEGP-ah Bank hrang hrang ten an ti \halo tlang

Nimin khan District Consultative Committee (DCC)/DLRC/DLSC Serchhip District chu an Chairman, Serchhip District Bawrhsap, Sangchhin Chinzah hovin a Office-ah an \hukhawm a, kum kalta 2017 September thla thlenga Serchhip District chhunga Bank hrang hrang te hnathawh dan chipchiar takin an thlirlet.
Nimin a Serchhip District Consultative Committee (DCC)/DLRC/DLSC \hutkhawm ah hian Bawrhsap, Sangchhin Chinzah chuan Committee member kalkhawm te chu kumthar chibai bukin Meeting hnuhnung bera Bank hrang hrangte hnathawh dan a \hat thawkhat thu sawi a. Amaherawh chu tun \um meeting report erawh chuan hmasawn aia hnungtawlh lam hawi deuh nia a hriat thu sawiin, Bank te \an la thar leh turin a ngen a. Sawrkarin Bank kaltlanga hmasawnna hna a thawh deuh vek tawh avangin Bank lam an chak loh chuan mipuiten an tuar thei a ni tih hre thar leh \heuh turin a ngen a ni. Report a a lan danin Bank hrang hrang ten sum deposit an hmuh a\anga Loan an pekchhuah, Credit Deposit Ratio hi 2017 September thlaah khan 46.18% a ni a, quarters hmasa aiin 10.46% zetin a tlahniam a, CD ratio in a tlin ngei tura beisei zat (desired ratio) chu 60% a ni thung. District chhungah CD Ratio hi United Bank of India (UBI) in a tlin sang bera, 171.01% a ni a, Mizoram Rural Bank (MRB) in 71.46% tlinin Mizoram Cooperative Apex Bank (MCAB) in 46.20% a tlin a. A tichhe ber chu State Bank of India (SBI) niin 42.86% a tlin a ni. District chhunga Bank ten Deposit an hmuh tlingkhawm hi cheng nuai 20406.65 a ni a, heng a\anga Advance an neih theihzat chu cheng nuai 9423.78 a ni. District chhunga Bak hrang hrang ten Agriculture lama loan pekchhuah zawng zawng (Priority Sector Advances under Agriculture) chu cheng nuai 1593.24 niin chu chu 16.85% ang a ni a. Bank hoten an tlin ngei tura beisei zat chu 18% a ni. An zingah MRB in pechhuak hnem berin cheng nuai 1378.42 an pe a, MCAB in cheng nuai 189.71, SBI in cheng nuai 260.16 lehn UBI in cheng nuai 9 an pe a ni. PMEGP kalpui chungchangah erawh Bank hrang hrangte dinhmun a \halo tlang hle a, District chhungah target 73 awmah mi 6 chauh pek hman niin Margin Money pawh cheng nuai 155 zet a awm laiin a taka pekchhuah chu cheng nuai 7.89 chauh a la ni a. PMEGP-ah hetiang dinhmuna District a awm chhan hi Bank lamte thiam loh ngawr ngawr a nih loh thu pawh tarlan niin, a diltute zawkin harsatna hrang hrang an neih \hin vang nia sawi a ni a. Hei bakah hian Online-a dil a ngaih tak avangin diltu pawh an tlem ta deuh nia sawi a ni a. Stand Up India Scheme hnuaiah Bank ten loan pekchhuah an nei lova, PMAY (Rural/Urban)-ah chuan Bank ten an thawk \ha tlang viau thung a ni. PMEGP-ah hian kum kalta ah pawh khan Serchhip District-a Bank te hi an che\ha lutuk lo niin a lang a, Margin Money cheng nuai 146.61 District in a neih laiin a taka pekchhuak chu Rs. 58.74 chauh a ni a. Hetianga a tlak hniam chhan hi online submission hman thar a nih vang te, Branch ten anmahnia Sanctioning power an neih tak loh vanga hun a duh rei tak vang te nia sawi a lo ni tawh bawk a ni. Heng te bakah hian Financial Literacy Campaign te, KCC hmalakna te, DAY-NRLM leh DAY-NULM hmalakna te, MUDRA Scheme kalpui chin te, Adhaar Enrolment leh NABARD loan kalpui dan te leh thil hrang hrang te pawh he hunah hian thlirletna neiin sawiho a ni bawk. Nimin a Meeting-ah hian Serchhip SP, Lalringdika bakah Lead Bank Chief Manager, R. Ralkhuma, RBI Manager,Zina Baruah, AGM NABARD, JS Daryani bakah District chhunga Bank zawng zawng Manager te, line Department te leh member dangte an tel a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Thu, 01/11/2018 - 12:23

Wednesday, 10th January, 2018

Zirlai nih chhung chuan lehkha chhiar tam a ngai-OPI

Fisheries Minister, Vanlalawmpuii Chawngthu chuan nimin khan MZP Hqrs. Biate in an kum 60 tlin an lawmna hmanpuiin Zirlai nih chhung chuan lehkha chhiar tam a ngai tih a sawi. Zialung Community Hall Biate-a MZP Hqrs. Biate in Diamond Jubilee lawmna ah hian bialtu MLA leh Fisheries Minister ni bawk, Vanlalawmpuii Chawngthu chuan he huna kalkhawm zirlaite chu thiamna tak tak zirchhuaka nakin huna ram leh hnam innghahna nih tum \heuh turin a fuih a. Zirlai nih chhung chuan lehkha chhiar tam a ngai a; Social Media hman kawngah chintawk neih a ngaih thu leh thu dik leh diklo thlifim thiama, belhchian dawllo thehdarhlo turin a chah a. Zofate inpumkhatna kawnga MZP hmalakna chu fakawm a tih thu sawiin, Zohnahthlakte chu a takin awmho thei rihlo mah ila rilru hmunkhat pu chung zela kan thawhho a ngai a ni, a ti.
Bialtu MLA chuan zirlaite chu nupui pasal zawn kawngah fimkhura mahni hnampui ngei nei turin a chah a. Hnam tidaltu niloa chawinungtu nih a ngai tih sawiin, Hnam changkang leh ropui apiangin zirna an ngaihpawimawh thu a sawi a, zirlaite chu zirna ngai pawimawha, Mizoram tan engnge ka thawh ve theih ang tih ngaihtuah \hin tura chahin, Zirna lama \an lak a \ul thu a sawi bawk.
- Published by Lenkawl, the first independent daily newspaper in Serchhip, since 1981.
Zonuna Kawlni
Wed, 01/10/2018 - 10:12

Aizawl-ah Chapchar Kut Ni 2 hmang dawn

Mizote Kut pawimawh leh la hman lar ber, Chapchar Kut chu kumin hian Aizawl-ah ni 2 hmang turin ruahmanna siam a ni. Chapchar Kut Organising Committee hi nimin khan an Chairman, Chief Minister Lal Thanhawla hovin Chief Ministers Conference Hall-ah \hukhawmin kumin a Chapchar Kut hman dan tur an sawiho a. He \hutkhawm a tel te hian he Kut hmanna tur atana chanvo leh mawhphurhna semzaiin, hun hman dan tur kimchang duang turin Programme Sub-Committee chu Art and Culture Director kaihhruaina hnuaiah din a ni a. Kumin Chapchar Kut hi ni hnih (1st leh 2nd, March) chhung awh tura ruahman niin, a Ni hmasa zawkah hian Mizo infiamna lam hawi zawnga programme siam a ni anga, a Ni hnihna ah zai, rimawi leh hnam lam chi hrang hrang a tam thei ang ber telh nise tia rel a ni. Chapchar Kut chhung hian mipui zingah Mizo hnam ziarang pholang tam thei tur zawngin Hnam thuam inbel uar tura inhrilh nise tia rel a ni a. A remchan dan angin Kut chhim tur leh a lawmnaa tel ve turin Zohnahthlak, State dang leh ram pawn a chengte chu sawm nise tia rel a ni bawk.
Kumin hian Chapchar Kut hi Aizawl Sipai Lammual-ah hman leh tura ruahman a ni a. Kut Pa atan Myanmar Chin State Chief Minister, Salai Lian Luai chu sawm tum a ni a, Chapchar Kut Organising Committee Chairman, Chief Minister, Lal Thanhawla chu Kut Thlengtu tura ruat a ni.
- Published by Lenkawl, the first independent daily newspaper in Serchhip, since 1981.
Zonuna Kawlni
Wed, 01/10/2018 - 10:11

Firing Test hun pawhsei a ni

Serchhip District chhunga .177 Airgun nei tana Firing Test neih hun chu Jan. 10, 2018 a\anga Jan. 31, 2018 thlengin hawn leh a ni a, Silai la test ve lo tan Serchhip IOC Veng-a Police Thana-ah nitin chawhnu dar 1:00 a\angin test theih a ni ang. Hemi hun chhunga Silai test hmanlo te chu Arms Rules 2016 in a sawi angin Testing Charge Rs. 500/- zel chawi a ngai ang.
- Published by Lenkawl, the first independent daily newspaper in Serchhip, since 1981.
Zonuna Kawlni
Wed, 01/10/2018 - 10:11

MUP NEDP Tour-a kal turte Serchhip a\angin vailiam

New Economics Development Policy (NEDP) Study Tour nei tur Hrangturzo Assembly Constituency huamchhunga Mizoram Upa Pawl (MUP) member 20 te chuan nimin khan Serchhip a\angin Aizawl an pan. Hrangturzo Assembly Constituency huamchhunga MUP Member mi 20, NEDP hnuaia Aizawl-a Tour nei turte hi Serchhip DIPRO Office tual a\angin Serchhip DIPRO, K. Saitluanga chuan a vailiam a, Mizoram sawrkar Flagship Programme, New Economics Development Policy (NEDP) Study Tour nei turte thlahna hun tawi DIPRO Office-a neih ah hian DIPRO K. Saitluanga,MIS chuan ram hmasawnna tura thil pawimawh tak pakhat chu ram rorelna enkawltu sawrkar leh a hnathawkte leh ram mipuite inkara inpawh-tawnna \ha, thawhona \ha leh inlaichinna \ha anih thu sawiin, ram mipuiten sawrkar hmalakna an hriat ve vek a pawimawh a ni, a ti.
Sawrkar chuan New Economics Development Policy (NEDP) hnuaiah hian Mizoram Upa Pawl (MUP) te kum kalta khan a lo zin tir tawh a, tun hi a \um hnihna niin \um-khat dang buatsaih leh tura ruahmanna siam mek a ni bawk a ni. Nimin a Hrangturzo Assembly Constituency huamchhung a\anga MUP Study Tour nei turte hi I&PR Department hotuten Aizawl-ah an lo dawngsawng anga, Vawiin hian Aizawl khawpui chhung hmun thlan bik engemaw zat tlawhkualpuiin naktuk ah anmahni khua an pan leh ang.
- Published by Lenkawl, the first independent daily newspaper in Serchhip, since 1981.
Zonuna Kawlni
Wed, 01/10/2018 - 10:11