Lenkawl

Subscribe to Lenkawl feed
The first independent daily newspaper in Serchhip since 1981.Lalchhuansanga Pachuaunoreply@blogger.comBlogger1287125
Updated: 46 min 53 sec ago

Chanchinchu chawlh hun tur

Fri, 11/28/2014 - 07:50
MJA Serchhip District chuan kumin (2014) atan Dec. 20, 2014 thlengin tualchhung chanchinbu tichhuakin Krismas leh kumthar chawlh hman nise an ti a, kumthar atan Jan. 6, 2015-ah chanchinbu tihchhuah leh a ni ang.
- Published by Lenkawl, the first independent daily newspaper in Serchhip, since 1981.

A thlawna thisen pek tlahniam zel

Fri, 11/28/2014 - 07:49
Kumin January thla a\anga September thla thleng khan JN Hospital Serchhip Blood Bank-ah thisen Unit 446 pek a ni tawh a, kum chanve hnulam ah a thlawna midangte tana thisen pek zat erawh a tlahniam hle thung. JN Hospital Serchhip Blood Bank a\anga thudawn danin kumin January thla a\anga September, thla kua (9) chhung khan JN Hospital Serchhip Blood Bank-a thisen petu mi 446 te hi Mipa 369 (82.73%) leh Hmeichhia 77 (17.26%) an ni a, thisen pek zawng zawng a\anga Unit 425 (95.29%) hi damlo a mamawh apiang ten an hman theih tura a thlawna an pek niin Unit 21 (4.70%) hi tu emaw tan bik emaw, Blood Bank-a thisen awmsa rulhna tura pek (Replacement) a ni thung a ni. Kumin January thla a\anga June thla (kum chanve chhung) khan JN Hospital Blood Bank-ah hian damlo tute emaw tan bika pek emaw, Blood Bank-a thisen awmsa rulhna tur emaw a thisen pek hi awm lovin kum chanve chhunga thisen pek zawng zawng hi Voluntary-a pek vek a ni a, amaherawh chu Replacement-a thisen pek hi July thla a Unit 7, August thla ah Unit 12 leh September thla ah Unit 2 awmin hetianga Replacement a thisen pek a pun chhan hi sorkar lam a\anga Blood Bag supply a mumal takloh avanga pawl hrang hrang tana a thlawna thisen pekna hun, Voluntary Blood Donation Camp a hma anga huaihawt reng theih a nih tawhloh vang niin hetiang harsatna hi District dangah pawh an tawk a ni.

- Published by Lenkawl, the first independent daily newspaper in Serchhip, since 1981.

Serchhip-ah S&WC Deptt. in NLUP an sem.

Fri, 11/28/2014 - 07:49
‘NLUP hlawhtlinna a dawngtu-ah innghat’ - D.C.Serchhip-a Soil & Water Conservation Department chuan an hnuaia NLUP Second Phase \anpuina dawngtu te hnenah \anpuina sum an dawn hnuhnung ber tur chu nimin khan Bawrhsap hovin an sem. NLUP semna puala inkhawm Serchhip Hmar Veng YMA Hall-a neih ah hian District Bawrhsap, Pi Juhi Mukherjee, IAS chuan NLUP hlawhtlinna atana thawktu department te leh Beneficiary te thawhrimna fakin, Serchhip District a kum hnih a awm chhungin NLUP avanga chhungkaw dinhmun hmasawn engemaw zat a mit ngei a a hmuh tawh thu a sawi a. Soil & Water Conservation Department hnuaia NLUP Trade pathum Hmunphiah, Coffee leh Rubber te chu sumchang thlai an nih avangin a tirah hlawk nghal vut vut theih a ni loh thu leh dawhtheihna neih a ngai a nih thu sawiin, an hlawhtlinna chu anmahni kut ah a innghat tih hre reng turin a chah bawk. He hunah hian Khual zahawm Pu Andrew H. Lalremruata, DIPRO chuan \anpuina dawngtute chu malsawmna an dawng ani tih hria a fimkhur tak leh uluk taka a hmanna tur diktaka hmang turin a chah a. NLUP dawngtu ti\ha leh ti\halo te pawh chanchinbu mite nen \angruala an vil reng tawh dawn thu leh a ti\ha chawimawi tlakte chu midangte entawn tura an hnathawhte pawh uar taka puanzar sak an nih dawn thu a sawi bawk.
    Soil & Water Conservation Department hnuaiah hian NLUP Trade pathum Hmunphiah, Coffee leh Rubber awmin 2nd Phase ah hian Serchhip District-ah beneficiary 239 (Hmunphiah-154, Coffee-35, Rubber-50) an awm a ni. Nimin a NLUP \anpuina semna hun hi Pu Lal\anpuia Varte, DSCO Serchhip in a kaihruai a, Pi Rosy Lalmuansangi Hmar, ASCO, Serchhip in report a pe a, Vawiin hian Chhingchhip, Thenzawl leh East Lungdar-ah te sem leh tura ruahman a ni bawk.

- Published by Lenkawl, the first independent daily newspaper in Serchhip, since 1981.

Mipui himna atan hma la mek zel

Thu, 11/27/2014 - 08:45
Kumin a Krismas leh kumthar vuakvet lo thleng turah mipui ten buaina awm lova hlim taka hun an hman theih nan Serchhip Police te chuan tunlai hian hma la mekin zan lamah Veng hrang hrang fangin hma an la chho \an mek.
- Published by Lenkawl, the first independent daily newspaper in Serchhip, since 1981.

M/s Mizo Carbon insawifiah turin ti

Thu, 11/27/2014 - 08:45
Industry Minister Pu H. Rohluna chuan M/s Mizo Carbon Products Pvt. Ltd. chu Industry department in show cause notice a pe mek tih sawiin, an permit an renew loh avangin explantion an call mek tih a sawi bawk. Nimin a Assembly Budget Session zawhna leh chhanna hunah MNF member, Aizawl West-II bialtu MLA, Pu Lalruatkima zawhna chhanga he thu hi sawiin, Industry Minister Pu H. Rohluna chuan, Industrial Growth Centre Luangmual a Mizo Carbon Products Pvt. Ltd chu kum 1 atan ram pek an nih thu leh kumtin renew zel tur a nih thu a sawi a, Mizo Carbon hi ni 14.2.2012-a Commission a nih thu leh Installed Capacity chu MT 24200 p.a a nih thu a sawi bawk. Industry Minister chuan M/S Mizo Carbon Products Pvt. Ltd. chungchang ah hian Industries department chuan hma ala tih sawiin, show cause notice pawh pek an nih tawh thu leh hei hi an chhan tawh leh tawh loh a hriat mai loh thu a sawi bawk. M/s Mizo Carbon Products Pvt. Ltd. hi Central Capital Investment subsidy leh Central Transport Subsidy cheng nuai tam tak la chunga hnathawh hmuh tur awm silo ah puh an ni.

- Published by Lenkawl, the first independent daily newspaper in Serchhip, since 1981.

Mizo \halai hnathawk tura chhawr harsatna Chief Minister in House-ah a sawi.

Thu, 11/27/2014 - 08:44
Chief Minister, Pu Lal Thanhawla chuan Mizo \halaiten overtime leh holiday-a hna thawh ngai chi te an thawk peih meuhlo tih sawiin, Mizoram a inbun company leh contractor te chuan Sorkar leh mipui zah vang chauhin Mizo \halai an chhawr a ni, a ti. Nimin a Assembly inkhawm ah he thu hi sawiin Chief Minister Pu Lal Thanhawla chuan Mizo \halai tam tak company leh contractor hnuaia thawk tura hnimluh an awm tawh tih sawiin, Driver a\anga Engineer thlengin rim taka hnathawh ngai chi chu Mizo \halaiten an peih rei ngai meuh lo a ni, a ti a. Lengpui-a thir sawngbawlna hmun Ispat-ah pawh Mizo \halai thawk duh an awm manglo a ni, a ti. Industries Minister Pu H. Rohluna chuan Industries leh Mizoram ISPAT Industry ten inremna an ziah angin ISPAT lam chuan Mizo hnathawktu casual labour 39 leh Regular 11 vel an chhawr mek tih a sawi a, hna tam zawk chu thiamna bik neih ngai leh Experience ngai a nih avangin tun dinhmunah chuan hnamdang rawih loh theih loh chin a awm a, zawi zawiin training te pea Mizo tam zawk an chhawr zel theih beisei a ni, a ti bawk.
    Nimin a Assembly inkhawm ah hian Chief Minsiter Pu Lal Thanhawla chuan Mizoram mau te man man zawka hralhchhuah a nih theihna turin Sorkar chuan \an a la mek tih a sawi a. Mizoram maute chu thingtlang mipuite eizawnna tling a nih theihna turin Sorkar chuan kawng a dap zel tih sawiin, Mautam leh ramkang avanga mau rem palh thei ven thawn thilah mau Mahal te pawh tihtawp a ni tih a sawi a, tunah pawh mau thawnchhuah kawngah khuahkhirhna la kalpui mek a nih thu sawiin, hlawk zawka mau thawnchhuak turin Bamboo Chipping Unit te pawh Sorkar chuan a theih anga dawmkan zel a tum a ni, a ti. Mizoram Bamboo Chipping Unit te harsatna tawh mek chungchang sawifiahin Industries Minister Pu H. Rohluna chuan an harsatna thlen chhan hi tunhnaiah mimal mau huan neite'n sawngbawl lohva mau an hralhchhuah vang a ni pakhat tih a sawi a, Chipping Unit 9 din tawh zingah Chuhvel leh Chhingchhip ami chiahin hna an thawh thu leh Chipping Unit ten an siam zawh sa Matric ton 100 chu Sorkar a inrawlh hnuah Cachar Paper Mill in a leisak dawn a ni, a ti bawk.

- Published by Lenkawl, the first independent daily newspaper in Serchhip, since 1981.

Ration buhfai man to dawn

Wed, 11/26/2014 - 07:20
Food, Civil Supplies & Consumer Affairs Minister, Pu John Rotluangliana chuan ration dawr a\anga buhfai leina man, kg khatRs. 9.50 ni \hin chu nakum January thla a\angin kg khat Rs. 15 a ni tawh dawn tih Assembly a hrilh a, ration dawra buhfai man tihpun a\ang hian sorkarin thla khatah cheng vbc. 4 leh nuai 56 a hmu dawn tih a sawi. Minister chuan nakum January thla a\ang chuan VIP quota zawng zawng pawh tihtawp a ni dawn tih a sawi a, sorkar officer lian leh sumdawng hausa zawng zawngte pawh an ration card hmanga ration la tawh lo tur leh, an ration card chu sorkara thehlut turin a ngen a, ration card chu chhungkaw identity card pawimawh atan hman \hin a nih avangin sorkara thehluttute hnenah buhfai lakna atana hman loh tur chi ration card pek chhuah a ni ang, a ti bawk. Pu John Rotluangliana chuan dawrkaite chu an dawra buhfai zuar \hin turin a ngen a, FCI a\anga lak, supply buhfai tih loh, buhfai dang bazar a\anga leite chu zalen taka zawrh chhuah phal niin a sawi bawk.
- Published by Lenkawl, the first independent daily newspaper in Serchhip, since 1981.

Mizoram leiba hriat theih cheng vbc. 5114 chuang a ni.

Wed, 11/26/2014 - 07:18
Finance Minister Pu Lalsawta chuan Mizoram Sorkar in leiba a neih hriat theih hnuhnung ber chu cheng vbc. 5114.20 a ni, a ti. Assembly Session neih mekah MNF Member, Dr. K. Beichhua zawhna chhangin Finance Minister chuan Sorkar leiba tlingkhawm vbc. 5114.20 hi kum 2012-2013 Finance Accounts in a tarlan a ni tih a sawi a, hetihrual hian K. Deposit-a sum dah zat hriat theih chin chu cheng vbc 535.24 a ni, a ti. Finance Minister chuan Sorkar leibat chu Sorkar Account-a leiba tlingkhawm bakah Public Account-a leiba tlingkhawmte a ni tlangpui tih a sawi a, leiba ah hian Sorkar hnathawkte GPF zawng zawngte pawh chhut tel vek a ni tih sawiin, Sorkar chuan NABARD leh LIC te bakah Market Borrowing pangngai a\angte in sum a puk ber a ni, a ti a. Leiba neih chu sawimawi chi a nih loh rualin State hrang hrangte zingah Mizoram chu leiba nei tlem pawl tak a nih thu leh, Meghalaya chuan cheng vbc 4964.58 leh Assam in cheng vbc 32896 an bat laiin, Andra Pradesh chuan vbc. 16983 leiba an nei a ni, a ti bawk.
    Finance Minister Pu Lalsawta chuan MGNREGA atana Central a\anga sum hmuh chu Krismass hmaa inhlawhfakna siamna turin pekchhuah thuai tum a ni ang, tih Pu Lalrinawma zawhna chhangin a sawi a. Finance Minister chuan MGNREGA ah hian kumin sorkar kum kal mekah Central Sorkar a\angin Rs. 67,08,13,000 hmuh a ni tawh tih sawiin, Rs. 44,95,28,000 chu a kalpuitu Rural Developement Department ah pekchhuah a ni tawh thu a sawi a, sum pekchhuah hmabak hi Krismass hmaa inhlawhfakna siamna turin a theih anga ranga pekchhuah tum a ni ang, a ti bawk.

- Published by Lenkawl, the first independent daily newspaper in Serchhip, since 1981.

Serchhip-IV kawngpui kam laih phallo

Wed, 11/26/2014 - 07:18
Tunhnai chhoa Airtel Company in Serchhip khawpui chhunga NH. kam-a cable phumna tura kawng sir an laih chu Serchhip-IV VC te chuan an huamchhung kawngpui sir ah laih an phalloh thu an sawi a. Airtel Company ten phalna an neih thu an sawi rualin, VC te chuan kawngpui zauhna hi an sum a thawh a nih avangin an phallo nia thudawn a ni a, hei vang hian Bazar leh Kikawn inkar chu NH. 54 tlaklam ah phum a ngai dawn nia thudawn a ni.
- Published by Lenkawl, the first independent daily newspaper in Serchhip, since 1981.

Chhiahtlang-a ITI tur hmun tur tifel tawh

Wed, 11/26/2014 - 07:17
Labour Employment & Industrial Training Minister Pu Lalrinmawia Ralte chuan Chhiahtlang a ITI dinna tur ram buai chu chinfel a ni tawh tih sawiin, hna thawh \an thuai a ni ang, a ti. He thu hi Assembly Budget Session neih mekah MNF member leh Tuikum bialtu MLA ni bawk, Er. Lalrinawma zawhna chhanga sawiin Labour Employment & Industrial Training Minister, Pu Lalrin-mawia Ralte chuan Chhiahtlang a Industrial Training Institute (ITI) dinna tura ruahman hi Contractor te pawhin kut an thlak tawh hnuah Power & Electricity Department ram nen a insu buai tih hriat chhuah a ni tih a sawi a, hei vang hian hna pawh chawlhsan lailawk a ngaih phah  tih sawiin, amaherawhchu chinfel ngaite zawh thawkhat a nih tawh thu leh, hna thawh chhunzawm thuai a nih tur thu Minister chuan a sawi a, ITI dinna tur hian Central a\angin cheng nuai 622 hmuh a nih thu a sawi bawk. Serchhip District tana ITI din tur hi Serchhip Town chhung, Bukpui leh Chhiahtlang inkarah dah tura ruahman a ni.

- Published by Lenkawl, the first independent daily newspaper in Serchhip, since 1981.

Mizoram hmundang rualin Serchhip-ah Fimkhurna Hapta hman \an a ni.

Wed, 11/26/2014 - 07:16
Lirthei leh a kaihhnawih laka fimkhur a \ul zia inzirtirna Hapta ‘Road Safety Week’ vawi 34-na chu nimin a\ang khan Mizoram hmun-dangte rualin Serchhip-ah pawh hman \an a ni. Zoram Drivers’ Union Sub-Hqrs. Serchhip bul tuma Fimkhurna Hapta (Road Safety Week) hawnna hun hi nimin Nov. 25, 2014 zingkar khan Serchhip Bazar-ah neih a ni a, he Hapta hi District Bawrhsap, Pi Juhi Mukherjee, IAS chuan hawngin kumtin lirthei a pung tam tial tial avang leh Traffic Police an indaihloh tial tial bawk avangin lirthei khalhtu ten Road Safety Rules an hriatchian a an zawm a pawimawh hle a ni, a ti a, Maxi Cab, Taxi, Auto Rickshaw leh Town Bus khalhtu te chu an motor dinhmun a \ha a ni tih finfiah reng \hin tur leh a phurh theih zat bituk aia tam phurlo tur te, motor khalh laia zial zu lo tur leh Mobile Phone hmanglo turin a chah a, MLTP Act hlih anih tak avanga inthlahdah mai lo tur leh a hma aia fimkhur zawk tura lirthei khalh \hin zawng zawng te ngenin, Driver te chu mipuite rawngbawlsaktu pawimawh tak an ni tih a sawi a, an chungah lawmthu sawina leh duhsakna a hlan nghal bawk.
    Nov. 29, 2014 thleng awh tur Road Safety Week hawnna inkhawm hi Pu T. Rosiama, President, ZDU Sub-Hqrs. Serchhip chuan kaihruaiin Serchhip District SP, Pu Romil Baaniya, IPS chuan India ram hmun dang nen khaikhin chuan Mizoram-ah Road Safety Rules kan zawm \ha hle a a hriat thu sawiin, hmasawnna tur erawh a la tam niin a sawi a. Zinkawnga motor chhia a awmin tumah an kalsan ngailoh bakah siam\hat anih hma zawng innghah \hin leh a ding hmanlo te pawhin chanchin an inngaihven tal \hin te chu hmundanga a hmuh ngailoh a nih thu sawiin, Driver te tlawmngaihna chu a fak a. Motor khalh laia meizial zuk chu Dan in a khap thu leh Zurui chunga chak taka Motor khalh chu Driver mai bakah midangte tan pawh a hlauhawm avangin rui chunga khalh lo turin lirthei khalhtute chu a chah nghal bawk. Road Safety Week hawnna ah hian lirthei khalhtu mi \hahnem tak telin he Hapta hman chhung hian he Hapta puala Flag siam chu an zuar leh bawk a ni.

- Published by Lenkawl, the first independent daily newspaper in Serchhip, since 1981.

RAY Scheme hawn a ni

Tue, 11/25/2014 - 08:59
Mahni chenna tur In leh lo din thei lo mi rethei te tana chenna In \ha tak sak sakna tur ruahmanna Rajiv Awas Yojana (RAY) Pilot Pro-ject chu nimin Nov. 24, 2014 khan UD&PA Minister, Pu Zodintluanga chuan Aizawl-ah a hawng a. RAY hian a tum ber chu kum 2022 ral hmaa ‘Slum Free India’ siam a ni a, he Scheme hi Mizoram District khawpui zawng zawngah kalpui tum niin Preliminary Survey neih zawh a ni tawh a, Mizoram-a khaw 8-ah kalpui phawt tur niin In pakhat sakna atan Rs 4,87,000 /- ruahman in he Project atan hian cheng nuai 1,120.01 pawm a ni tawh bawk.
- Published by Lenkawl, the first independent daily newspaper in Serchhip, since 1981.

MHIP ten hnatlang nei

Tue, 11/25/2014 - 08:54
MHIP Sub-Hqrs. Serchhip buatsaihin nimin Nov. 24, 2014 khan MHIP kumpuan, ‘Faina uar Kum’ bawhzuina atan Serchhip Bazar leh a chhehvel thenfai hnatlangpui neih leh a ni a, he hunah hian Serchhip Town-a MHIP Branch 19 a\angin mi 120 vel an thawkchhuak a, bawlh-hlawh paihna turin DLAO chuan Motor a pe bawk a ni.
- Published by Lenkawl, the first independent daily newspaper in Serchhip, since 1981.

Kum 6 chhungin IR Bn. te enkawlna atan Sorkar laipui a\angin cheng vbc. 31.87 hmuh a ni.

Tue, 11/25/2014 - 08:53
Home Minister Pu R. Lalzirliana chuan kum 6 kalta chhunga IR Bn. te enkawlna tura Mizoram Sorkarin central a\anga sum a hmuh chu cheng vbc. 31.87 a nih thu sawiin, IR te enkawlna tura Mizoram Sorkar sum senral tawh chu cheng vbc. 565 niin a sawi. Mizoram Legislative Assembly Budget Session neih mekah MNF Member, Er. Lal-rinawma zawhna chhangin Home Minister chuan kum 6 kalta chhung khan IR Batallion enkawl nan sorkar laipui a\angin Mizoram sorkar-in Rs. 31,87,50,000 an dawng tih a sawi a. Zawh belhna chhangin Home Minister chuan, 3rd IR Bn. din nan cheng vbc. 17 hman niin sorkar laipui a\angin Rs. 12,75,00,000 chu hmuh kir leh theih a nih thu a sawi a, kum 2006 a\anga 2008 chhung khan Rs. 6,37,50,000 an tihfel hman thu leh, 2008-2009 chhung khan an hmuh belh leh niin a sawi a. 4th leh 5th IR din nan hian 3rd IR ang tho-in kum 6 chhungin cheng vbc 12 ve ve Mizoram sorkar-in a dawng niin a sawi bawk.
    Home Minister chuan, 1st leh 2nd IR Bn. enkawl nan sorkar laipui a\angin sum hmuh a ni lo tih sawiin, 3rd IR Bn. enkawl nan kum 6 chhungin Rs. 6,37,50,000 dawngin Mizoram sorkar-in Rs. 131,48,72,000 a hmang a, 4th IR enkawl nan sorkar laipui a\angin Rs. 12,75,00,000 dawngin Mizoram sorkar-in Rs. 96,11,06,800 a hmang a, 5th IR enkawl nan sorkar laipui a\angin Rs. 12,75,00,000 hmuh a nih laiin Mizoram sorkar-in Rs. 90,20,04,000 a hmang tih a sawi bawk. Hei bakah hian Home Minister chuan Mizoram chu ramri bula awm a nih avangin IR te chu an \angkai tih sawiin, mahse, sum hman tur ngaihtuah erawh chuan 3rd, 4th leh 5th IR Batallion te chu lak belh lo pawh ni se Mizoram chu a awm thei tho nia sawiin, tun dinhmunah Home Department hnuaiah post ruak 1500 a awm mek chung pawhin chak takin Home Department chuan hna a thawk thei tho tih a sawi bawk.

- Published by Lenkawl, the first independent daily newspaper in Serchhip, since 1981.

Mizoram pum huap Boxing inelna zofel.

Mon, 11/24/2014 - 09:33
Mizoram pum huap Boxing inelna Serchhip Boxing Hall thara khelh, ‘State Bank of India - POS 36th Mizoram State Boxing Championship 2014’ chu Inrinni zan khan zawhfel a ni a, Lunglei District chu an champion a ni. He championship kharna inkhawm Inrinni kalta Nov. 22, 2014 zana neih hi bialtu MLA leh Chief Minister ni bawk, Pu Lal Thanhawla chuan hmanpuiin infiammi te chu zuk leh hmuam leh ruihtheih thila fihlim tura fuihin, ‘Boxing hi tiapui leh tiapui, mihuaisen te inelna a ni a, Mizo te Game ngainat chi tak leh National Level mai nilo; International Level thlenga kan hmasawnpui theih tak tur Game a ni,’ a ti. Hei bakah hian Chief Minister chuan Mizoram sorkar in infiamna kawng hrang hrang a Mizo ten hma kan sawn theih nan Infrastructure tam tak a siam mek zel a nih thu sawiin, tun dinhmunah chuan infiammi te hmakhua pawh a eng \an hle tawh a ni, a ti a, Serchhip in Boxing Hall thar a nei chu a lawmpui thu sawiin, \angkai taka hman zui zel a nih a beisei thu a sawi bawk. He Boxing Championship ni Nov. 18, 2014 khan khelh \an niin District hrang hrang a\angin Boxer 155 zet an tel a, Lunglei District chu champion in Serchhip District chuan Gold Medal 4 la in Silver Medal 7 leh Bronze Medal 32 an la bawk.

- Published by Lenkawl, the first independent daily newspaper in Serchhip, since 1981.

A thlawnin thisen pe

Mon, 11/24/2014 - 09:33
UPC (NEI) hnuaia Penticostal Youth Department (PYD) Serchhip Pastor Bial chuan kumin a Conference an an lo rel tawh tih hlawh-tlinna atan Inrinni kalta, Nov. 22, 2014 khan JN Hospital Serchhip Blood Bank-a dah turin a thlawnin thisen an pe a, thisen petute hi mipa 18 leh hmeichhia 4, an vaiin mi 22 an ni a, thisen petute hian Blood bank-ah kalchilhin thisen hi an pe a ni. Thisen pek \an hma hian Association for Voluntary Blood Donation (AVBD) Serchhip Branch chuan thisen pek pawimawhna te zirtirin Awareness campaign an nei bawk a ni.
- Published by Lenkawl, the first independent daily newspaper in Serchhip, since 1981.

Pawikhawihna a inhnamhnawih man

Mon, 11/24/2014 - 09:28
Tun thla (Nov. 3) zana Serchhip AOC Veng-a hnamdang mi 4 hrai ruitu ten Serchhip-a an thurualpui mi pakhat chu Inrinni khan Serchhip-ah man a ni. Serchhip Police Station-a 2nd OC, Pu Robert L. Hnamte hnen a\anga kan thudawn danin he an mi man hi Abdullh Hussain (19) s/o Firuj Ali, Moina Alah, Karimganj District niin Serchhip Hmar Veng-a Pu Malsawma In luah niin a insawi a, Serchhip-ah hian Cement Work-ah helper hna thawkin tunah hian Pu Lana In sak, Serchhip AOC veng-ah a thawk niin a insawi a, kum 2 leh thla 4 vel Serchhip-ah a awm tawh niin a sawi bawk. Abdullh Hussain-a sawi danin tun thla ni 3 zana Serchhip AOC Veng-a hnamdang sumdawng mi 4 hrairui-a rawktute hi hnamdang mi 2 niin Oct. 31, 2014 khan Serchhip rawn thlengin a In-a thlen an dil angin a thlen tir a, Nov. 1 khan an thil tih tum hi hrilhin pawisa tam tak pek intiamin pui turin an thlem a, hemi ang hian Oct. 2-ah AOC Veng-a an mi rawk (Zakir Hussein Lasker) te In-ah lengin a enthla a, hemi hnu Nov. 3 khan heng mi 2 rawn kal te hi Zakir-a te In-ah hian lengin an chawhmeh ah Tur ni ngeia hriat hi telhin an rawk zui ta a ni. He thil a inhnamhnawih mi 2 te hi hriat chian ni tawhin man tuma hmalak zui zel a ni. Hetihlai hian he thil thleng hi kum 4 vel kalta a New Serchhip Bazar Veng-a hnamdang, Rod zuara awmte hrairui-a rawktute nen thuhmun an ni em tih pawh chhui mek a ni bawk.

- Published by Lenkawl, the first independent daily newspaper in Serchhip, since 1981.

Dawngzawl rama Serchhip District Park mipuite hman theih tura hawn a ni.

Mon, 11/24/2014 - 09:28
Local Administration Department (LAD) in Serchhip leh Kei\um inkar Dawngzawl rama ‘Serchhip District Park’ an siam chu Inrinni kalta, Nov. 22, 2014 khan Chief Minister Pu Lal Thanhawla chuan a hawng. Serchhip District Park hawnna inkhawm ah hian Chief Minister, Pu Lal Thanhawla chuan Mizote hi hnam bal tak kan la ni tih kan inpawm a ngai a ni, tiin ‘Kristian kan nih angin fai hi kan tih tur a ni tih kan hriat a ngai ni,’ a ti a. Mihringte hi he khawvela a kan nun chhoh zelna kawngah nun tihnawmnan leh Kohhran, khawtlang leh ram te insiam\hat chhoh zelna tur hmun kan mamawh tih sawiin, hetianga Park nuam tak siamtu sorkar leh Department te chungah lawm nachang hriat a \ul thu leh thianghlim tak leh uluk taka enkawl turin mipuite chu a chah a. Sorkarin thawhchhuah a neih tlem avangin hmasawnna hnathawh kawngah hmalak chak a harsa nia sawiin, “Mipui ten sorkara chhiah chi hrang hrang kan pek \hin electric, tui bill leh a dangte kan pek \hat a ngai a ni,” a ti a. Park hawn tak chu a \ha leh \angkai zawng hmang turin mipuite a ngen bawk.
    Park hawnna puala inkhawm Pu K. Lalmuana, Additional Secretary, LAD kaihhruai a neih ah hian khual zahawm, LAD Minister Pu PC. Lalthanliana chuan he hmun hi nawmchenna tur siam ni lovin intihhlimna tura siam a nih thu a sawi a. Mizo \halaite leh mipuiten hetiang ang intihhlimna hmun tur \ha kan neih tam tawk loh avangin kan ramah sualna a tam phah a hriat thu te, kan hunawl kan hman\hat na tur atan lehhlimna kan kan chhar theihna tur atana sum harsatna nasa taka hetianga buatsaih a nih thu a sawi bawk. Serchhip District Park siam hna hi kum 2007 a\ang khan thawh niin 22.19 bigha a zau a ni a. A siam nan LAD sum cheng nuai 61 leh UD&PA sum cheng nuai 180 a vaiin cheng nuai 241 chuang hmanral a ni a, Park chhung ah hian Tui chenna hmun hnihah leh, Sangha khawina hmun zau tak bakah Conference Hall, ei siamna In leh riahna tur Cabin bakah chowkidar quarters leh \hut chawlhna dawh thleng \hahnem tak te siam a ni bawk.

- Published by Lenkawl, the first independent daily newspaper in Serchhip, since 1981.

Tuikum lui humhalh

Fri, 11/21/2014 - 07:40
Serchhip P&E Veng Branch YMA chuan Tuikum lui, Pu Lawm-hlira leilet a\anga lui mawng lam, Darnam chhuah thleng chu an hum-halh thu sawiin, Dan in a phalloh hman-rua Dynamo, Bomb, Tur, Chinai etc. hmang te a Luidung nungcha man an khap tih an sawi a. He an khapna hi mitin ten zawm saka lo humhalh pui tura sawmin, an khapna bawhchhia te chu thuneitute hnen ah an hlan tur thu an sawi bawk.
- Published by Lenkawl, the first independent daily newspaper in Serchhip, since 1981.

Health Department hnuaia thawkte fimkhur turin chah

Fri, 11/21/2014 - 07:40
Health Minister Pu Lal Thanzara chuan Health Department hnuaia thawk te chu mihring nunna khawih an nih avanga hmangaihna nen damlo enkawlna kawng ah thawk \hin tura fuihin, mualphona tawk thei reng an nih hre renga fimkhur taka thawk \hin turin a chah bawk. Mizoram Pharmacists’ Association General Conference-cum-National Pharmacy Week-2014 (vawi 53-na) puala inkhawm nimin a Tourist Lodge, Chal-tlang-a neih a hmanpuina ah he thu hi sawiin Health Minister chuan Zoram mipui hriselna enkawlna kawnga Pharmacists te thawh hlawk zia leh an mawhphurhna san zia sawiin, ram leh hnam tana an rawngbawlna ah \hahnem ngai taka thawk chhunzawm zel turin a fuih a. Rethei harsa zawkte ham\hat nana Mizoram Sorkarin Chief Minister Free Medicine Scheme a kalpui chhoh mek turah theihtawp chhuaha \awiawm turin a sawm bawk.
    Health Minister chuan Mizo-ram ah damdawi \halo leh himlo tam tak a rawn luh mek lai hian Pharmacist te chu damdawi vil \ha lehzual tura fuihin Medicine Testing Laboratory din tura hmalakna a la hlawhtling thei lo chu pawi a tih thu a sawi a, a hlawhtlin ngei theih nan Health Department hotute chu chak zawka lo bawhzui turin a chah a, dam-dawi \halo veng turin Sorkar pawh khauh zawka kal turin hma lak mek a nih thu a puang bawk. Hei bakah hian Pharmacist thiamna neilo, dawr nei si, hlawkna sum ringawt um te avanga ruihtheih damdawi tawlhruk avanga Mizoram hming a chhe mek chu pawi a tih thu sawiin, hemi dona kawnga nasa zawka \an la turin Pharmacist kalkhawmte chu a fuih bawk a. An awmna hmun \heuh ah damlo leh mamawhtu te tana rawn tlak leh rawn theiha awm zel turin Minister chuan Pharmacist te chu a chah bawk a ni.

- Published by Lenkawl, the first independent daily newspaper in Serchhip, since 1981.

Pages