Tourism Minister Pu S.Hiato chuan ni 22 May 2013 khan E.Lungdar-a Tourist Lodge sak thar a hawng a, a tukah N.Vanlaiphai-a Tourist Lodge sak thar a hawng nghal bawk.

Hawnna thu sawiin Minister chuan Tourism chu ram sum hmuhna hnar pawimawh tak a ni tiin, ram tam takin tourism chu ram dinchhuahna atan an hman thu a sawi a. Mizoram chu Pathianin ram nuam tak, boruak sik leh sa nuam tak, boruak thiang leh tlangram mawi taka a siam a ni a, chu chu khualzin mite hmuh chak ber a ni tiin, chu ram duhawm tak vawn leh enkawl chu a chhunga chengte mawh a ni, a ti. India Sorkarin Look East Policy a kalpui mek chuan thil tam tak a hawng dawn a, khawchhak ram te nena insumdawnna tur pawh kawng min hawnsak dawn a, chumi atana kan lo inbuatsaih a ṭul a ni, a ti bawk.

Minister hi Parliamentary Secretary Pu H.Zothangliana chuan a ṭawiawm a ni.

E.Lungdar leh N.Vanlaiphai-a Tourist Lodge hawn te hi a inangin Building 5 ve ve sak an ni a, E.Lungdar ah Tourist Cottage Type A pahnih, Tourist Cottage Type B pakhat, Tourist Cottage Type B (Dormitory Block) pakhat, leh Tourist Facility Block Type A pakhat sak a ni a, sum Rs. 115.97 lakhs sen a ni. N.Vanlaiphai ah hian Tourist Cottage Type A pathum, Dormitory Block Type A pakhat leh Tourist Facility Block Type A pakhat sak a ni a, sum Rs. 113.32 lakhs sen a ni. Heng sum te hi Ministry of Tourism atanga dawn a ni.

Tourist Lodge hawnna inkhawm hi Tourism Director Pu Vabeiha Hlychho-in a kaihruai a, officials leh khawtlang hruaitu ten thusawina hun an hmang bawk. Tourist Lodge hawnna programme hi Aizawl leh Serchhip atangin Officials thenkhat ten an hmanpui bawk a ni.

Tourism Minister Pu S.Hiato chuan ni 22 May 2013 khan E.Lungdar-a Tourist Lodge sak thar a hawng a, a tukah N.Vanlaiphai-a Tourist Lodge sak thar a hawng nghal bawk.

Hawnna thu sawiin Minister chuan Tourism chu ram sum hmuhna hnar pawimawh tak a ni tiin, ram tam takin tourism chu ram dinchhuahna atan an hman thu a sawi a. Mizoram chu Pathianin ram nuam tak, boruak sik leh sa nuam tak, boruak thiang leh tlangram mawi taka a siam a ni a, chu chu khualzin mite hmuh chak ber a ni tiin, chu ram duhawm tak vawn leh enkawl chu a chhunga chengte mawh a ni, a ti. India Sorkarin Look East Policy a kalpui mek chuan thil tam tak a hawng dawn a, khawchhak ram te nena insumdawnna tur pawh kawng min hawnsak dawn a, chumi atana kan lo inbuatsaih a ṭul a ni, a ti bawk.

Minister hi Parliamentary Secretary Pu H.Zothangliana chuan a ṭawiawm a ni.

E.Lungdar leh N.Vanlaiphai-a Tourist Lodge hawn te hi a inangin Building 5 ve ve sak an ni a, E.Lungdar ah Tourist Cottage Type A pahnih, Tourist Cottage Type B pakhat, Tourist Cottage Type B (Dormitory Block) pakhat, leh Tourist Facility Block Type A pakhat sak a ni a, sum Rs. 115.97 lakhs sen a ni. N.Vanlaiphai ah hian Tourist Cottage Type A pathum, Dormitory Block Type A pakhat leh Tourist Facility Block Type A pakhat sak a ni a, sum Rs. 113.32 lakhs sen a ni. Heng sum te hi Ministry of Tourism atanga dawn a ni.

Tourist Lodge hawnna inkhawm hi Tourism Director Pu Vabeiha Hlychho-in a kaihruai a, officials leh khawtlang hruaitu ten thusawina hun an hmang bawk. Tourist Lodge hawnna programme hi Aizawl leh Serchhip atangin Officials thenkhat ten an hmanpui bawk a ni.

Laipuitlang PWD building chimin a thlang In a delhchhiat vanga chhiatna rapthlak tak thleng chhuitu Aizawl Bawrhsap report thehluhah chuan PWD Engineer-In-Chief, Er.VL Duhsaka chetmuan vangah a puh.

Laipuitlang chhiatna rapthlak tak thlen chhan chhui tura sawrkarin a ruat, Aizawl Bawrhsap report thehluh, RTI dan hmanga dilchhuah Zonet News-in a puan dan chuan PWD building chu a hun takah thiah nise chuan kha tiang chhiatna rapthlak kha a thleng lo thei niin a puang a, helai hmunah hian leimin alo awm tawh ṭhin a, pialtlep a ni a, pialtlep chu a thlangah kawngpui atan laih chah a ni a, motor dahna Garrage atan laih chah a nih bawk avangin leh ruah a surin tui a luh theih avangin a chhak a PWD building a hlauhthawn awma a awm thu a puang tel bawk.

HIV vei leh vei loh testna hmun Integrated Counselling and Testing Centre, ICTC Counsellor te hnathawh thlirletna leh hmalak zel dan tura sawihona, ni 3 awh chu nimin khan Aizawl-ah zawhfel a ni a, an sawiho lar zual zingah Mizorama HIV/AIDS darh chak lutuk leh Thingtlang lama hmuhchhuah thar an tam thu a tel.

Kum 2012 Sentinel Surveilance-a a landanin bikin Thingtlanga naupai zingah kum dang zawng aiin HIV hmuhchhuah a nasa a ni, an ti a. High Risk Group tia sawi, mahni anpui kawp te, nawhchizuar te leh damdawi hmangsual te aiin mi nawlpui zingah hmuhchhuah a tam zawk a, an inkaichhawn dan pawh hi, inpawlna aṭangin a ni tlangpui an ti a ni.

He thu avang hian, ICTC Counsellor te chuan hmalak dan tur ngaihtuahin, MASS MOBILISATION AND RURAL CAMPAIGN programme thar an siam a, NGO leh kohhran ten pawhin nasa lehzuala thawhpui turin an beisei tih an sawi a ni. An hnathawh thlirletin, nikum 2012-13 chhunga Thisen test zat mi 30,341 zingah HIV hrik pai 1022 hmuhchhuah a ni a, Raipuar 20,271 zingah HIV hmuhchhuah mi 120 an awma, Heng zingah hian HIV leh TB natna vei kawp chu mi 95 an awm bawk tih an tarlang a ni.

ICTC Counsellor te meeting hi MSACS Project Director Dr. Eric Zomawia’n a hmanpui a ni.

Mizoramah hian ICTC Stand Alone 28 awmin, District tinah Mobile ICTC a awm bakah Facility ICTC 27 a awm bawk a,PPP Hospital -5 a awm bawk a ni.

Mizoram State Council for Child Welfare-in mawh-phurhna an lak chinah Mizo-ram aṭangin naupang 22 in huaisen chawimawina an dawng tawh.

Naupang huaisen chawi-mawina Award hi chihrang hrang panga – Bhaarat Award, Geeta Chopra, Samjay Chopra, Veer Papu Gayandhani lehj General te a ni a. Mizo naupang 22 Aweard dawngtu zingah hian lawmman sang ber hi C.Vanlalhruaia (L) S/o,. C.Lalsangliana Venghlui chuan a dawng a, ani hian an mahni rawktu leh a chhungte hriamhrei hmanga beitu misual a beilet a, a thih phah a ni. Lalrempuii (L) D/o, Robuanga, Kawrtethawveng tleirawk kum 14 pawngsual tawka thih thlenga tang ngam hnenah Geeta Chopra hlan a ni bawk a, a dang hi chu General category ami an ni hlawm.

Naupang huaisen chawi-mawina dawn chungchangah nimin khan Mizoram State Council for Child Welfare chuan Aizawl Press Club-ah chanchinthar thendarhtute klawmin an sawifiah a. JC Japanrun-an he hun hi kaihruaiin dil dan a sawifiah a. Dilna hi prescribed application form awmin Indian Council for Child Welfare, New Delhi emaw State Council atangin emaw lak theih a ni a., Dirtsrict tin DC hnenah lam theih a ni bawk a. Application form hi kimchang taka fill-up hnuah document tul ang zawng zawng thil telin State Council emaw mahni bialtu DC hnenah emaw thehluh tur ani a, DC a thehluh anih chuan kimchang taka fill up ani em tih an enfiah sak hnuah State Council ah an thehlut anga, Sport Verification leh tul dangte tih zawhin ICCW, New Delhi ah an submit dawn tih asawi. Naupang huaisen lawmman chungchangah chuan Home Department a thehluh kual a ngaihloh thu leh anmani Child Welfare chu verification titu tur an nih thu a sawi a. Application form ah hian naupangte thiltih word 250 vela ziaka Birth Certificatem Newspaper Clipping English a lehlin, FIR emaw Police Diary emaw thil tel a ngaih thu a sawi a. High Power Committee in a thlang a, a dil te pek vek an nih lem loh thu a sawi.

Award dawngtu chu escort pakhat nen an chenna atanga rail station hnai ber atangin rail ticket concession bakah nitin DA, thlenna In, chaw leh riahna cham chhung free a ni a, Award dawngtu chu nunna chan anih chuan nu leh pate tan free a ni a, mi thenkhatin thlenna tura tih nilo House lamah leh hmun dangah te lo thlengin kal dan tur baka an lo khawsakin harsatna alo awm tawh thin tih an sawi lang bawk.

MNF President Pu Zoram-thanga’n nimin an party kawng-zawh dawn zinga Assam Rifle Mandir-a bomb ti puaktu te chu mipuiin an hria a ti.

Nimin khan MNF Party Office Hnam Run-ah thusawi-in Pu Zoramthanga chuan Mandir-a bomb paihluhah ‘MNF pemphlet’ vawmluh tel a nih thu sawiin, mahni bomb tihpuah tur fun nan mahni party pamphlet hmang duh an awm mipui pawhin an ring lo a ni a ti a, “Motor hal ṭhin te, mi office luhchilh ṭhin te, bomb tipuak ṭhin te chu tute party nge an nih mipui in an hria a, sawrkar hnathawkte lungawi lohna lantir dawn zâna New Capital Complex-a bomb tipuaktu party pawh an la theihnghilh lo a ti.

An party-in Ningania kawngzawh an huaihawt tur chu Congress party-in an theih ang angin tihbahlah tumin an hotu lawk hrang hrangin Press Conference-te an nei a, amaherawhchu an tibahlah thei ta lo a ni, a ti bawk.

Nilaini zan zanlai pelh hnua bomb puak kaihhnawih-ah tun thlengin rinhlelh man an la awm lo niin thulakna chuan a tarlang.

Tarlan tawh angin, he bomb puak hi party politics tui nu ni a an ngaih thu, party dang, MPCC, ZNP, leh MPC te pawhin thuchhuah siamin an sawi tawh a ni.

Education Minister Pu Lalsawta hova nimina Aizawl-a Advisory Board of Education (SABE) ṭhukhawm chuan, zirna hmasawnna tur hrang hrang an sawiho a, he ṭhutkhawmnaah hian Mizoram-a Engineering College din ve a ṭul tawh thu sawi lan a ni.

Nimin chawhma dar 11 khan Directorate of School Education Conference Hall-ah State Advisory Board of Education (SABE) hi Pu Lalsawta, School Education Minister hovin an ṭhukhawm a, he meeting Pu Lalsawta, School Education Minister kaihhruaiah hian ngaihtuah tur Agenda 22 zingah Mizoram-a Engineering College din ve a tul tawh thu sawi lan a ni a, Mizo naupang ten State pawn pan buai ngai lo a keimahni State chhungah man tlawm zawk leh hautak lo deuh zawka Engineer an zir ve theih nan Mizoram State Engineering College neih ve hi a ṭul viau tawh thu member ten an sawi a.

Hei bakah hian Champhai leh Kolasib Polytechnic tana post siam belh dilna te, JEE, JEE-Advance leh NEET te hi National Level Competitive Exam an nih avangin Mizo naupang a tam thei ang ber an tlin theih nan tun dinhmun a Class-XIl (Sc.) awmna District hrang hrangah te hian JEE/NEET Coaching Class buatsaih ni thei se tih sawi ho a ni bawk.

Mizoram Polytechnic, Lunglei-a Seat awm theih zat tih tam te, Aizawl-a Polytechnic thar din ṭul dan te Mizoram State Open School chungchang te bakah Education atana thil pawimawh tak tak te sawiho a ni.

Nimin ṭhutkhawmnaah hian Education chungchang thil engemawzat an sawiho zingah Primary, Middle, Highschool, Higher Secondary, College leh Professional zirna in leh a enkawl chungchang ṭhahnem tak sawiho a ni bawk.

Meeting-ah hian Commissioner & Secretary, School Education Department, Director School Education Department; Vice-Chancellor Mizoram University te bakah State Advisory Board of Education (SABE) member pawimawh tak tak te an tel.

Thlahlui ni 15-a kal natna avanga thi, MLA Pu B.Lal-thlengliana chu nimin khan a chenna in Aizawl Bethlehem Vengah sawrkarin cheng nuai 10-in a ral a. Râlna hun hi Mizoram Legislative Assembly Speaker Pu R.Romawia’n a kaihruai a ni.

Speaker chuan a ralna hi sawrkarin hun remchang a dap avanga ti hma theilo an nih thu a sawi a, Inralna, death gratuity cheng nuai 10 chu sawrkar dân dinglai anga tih a nih thu a sawi.

Assembly House Leader Chief Minister Pu Lal Than-hawla pawhin thusawiin, sawr-kar hotute remchan tlan hun tur ngaihtuah avanga râlna hun a tlai chu pawi a tih thu a sawi a. Pu B.Lalthlengliana chu an mi hriat chian tlan a nih thu leh an zingah kawm ngeihlo an awm lova, uilo reng reng an awmlo a ni, a ti a. Mi ṭha chungchuang, mi fel leh mi ropui, ṭhenrual kawm thiam tak a ni, a ti a. Opposition-a an awm laia Cabinet Minister a nih lai tein sawisel tur leh han beihna tur pawh an hrelo reng reng tih sawiin, a chhungte chu an sawrkar chhung na na chuan inthlahrung lova, inpawh taka awm turin a sawm a ni.

Tuipuiral NGO Co-Ordination Committee chuan Parliamentary Secretary PWD changtu Pu Lalthanzara’n an bial chhunga kawngpui chung-chang a sawinaah lungawi lohna lantir ngai khawpa chhia a nih loh thu leh lungawilohna an lantir chungchangah an mawng hiattu an awm ani lo maw? tia a sawi chu mak an tih thu leh an dem thu an sawi.

An thuchhuahah chuan vawi tam tak he kawng Champhai-N.Vanlaiphai via Khawbung hi siamṭha turin an ngen tawh thu leh hnatlangin an lo siam tawh tih an sawi a, heng an hmalakna hian awmzia a neih lo tih an sawi a, hei vang hian lungawi lohna an lantir tih an sawi a, hetiang hi kan dinhmun anih laiin kan Parliamentary Secretary-in a hmun ngeia an kawng chhiat zia hmu chunga nawrh hial ngai khawpa siamṭhat ngai kawngchhia a ni lo ang a a sawisak chu na an tih thu leh an bial ngaihthahna a ti lang-ah an ngai tih an sawi.

State Disaster Management Authority huaihawtin New Civil Secretariat Complex, Khatla-ah chhiatna liantham thlenga insingsak dan enchhin a ni a, he mock-drill hi a tak ang thei ber tura ruahman a ni a, hnathawktute pawh hriattir lawk an ni lo va; chhanchhuah hna thawktu turte pawh ral aṭanga koh chawpa lo kal tura ruahman a ni.

Chawhnu Dar 2-ah ralkhel dar nasa taka tihrik a ni a, hnathawktute chu Police-ten awmze nei takin an tlanchhuahtir a. Hemi hnu hian Fire & Emergency Service lamte lo thlengin, chhan-chhuah ngaite an buaipui a, kangmei chhuakte tuiin an phuh hlum a. Sports & Youth Services leh Central YMA hnuaia Adventure Team leh Rescue Team te an thleng zui a, anni bakah hian 3rd Bn MAP aṭangin rang takin State Disaster Response Force te, Medical Team te, Power & Electricity Dept. te, I&PR Team te, PHE Dept te, MPRO te, DM&R Team te, Police te an rawn thleng zui nghal bawk a ni.

Nimina mock-drill-ah hian awmze neia tlanchhuah dan te, hliam bawihsawm leh senghawi dan chi hrang hrangte a taka entir a ni.

Mock-Drill zawh hnua inkhawm buatsaihah Disaster Management & Rehabilitation (DM&R) Minister Pu Nihar Kanti Chakma chuan thu sawiin “Mizoramah chhiatna a thleng zauh zauh a; Civil Secretariat phei chu sawrkar hotu lute leh mi pawimawh tam zawkte hnathawhna hmun a nih avangin chhiatna lian a lo thlen pawha tluang taka sawrkar inrelbawlna a kal theihnan insaseng dan leh mahni inbuaipui dan thiam a tul a ni” a ti.

Chief Secretary a nihna bakah, Chairman, State Executive Committee leh Chief Executive Officer, State Disaster Management Authority mawhphurhna chelhtu Pi L.Tochhawng pawhin thu sawiin, “Mizoram leilung a ngheh loh avangin chhiatna lian tham lo thleng thei laka inralrin a pawimawh a; lo inralrinna chuan chhiatna avanga tawrh theihna tur chanve lakah a tifihlim thei a ni’ a ti.

Union Cabinet chuan Income Tax Department-ah hna thar 20,751 siam a remti a, heng zinga 1,349 chu Indian Revenue Services (IRS) an ni ang a, a dang zawng 19,402 chu non-IRS cadre a ni ang.

He thutlukna hi Prime Minister kaihhruai Union Cabinet, New Delhi-a ṭhukhawm chuan a siam a, hemi chungchang hi ṭhutkhawm zawhah Union Finance Minister P.Chidambaram-a’n chanchin thar thehdarhtute hrilhin hna thar siam belh hian Income Tax Department chu chhiah tam zawk hmu thei tur leh mipui tana ṭha zawka hna thawk thei turin a pui dawn a ni, a ti a. Hna thar siam leh a awmsate siamṭhat nan hian Cheng Vbch 449.71 sen belh a ngai dawn a, amaherawhchu hna thar siam avanga chhiah hmuh belh tura beisei Cheng Vbch 25,000 chuan sum hman belh ngai hi a phuhru zo hle dawn a ni.

Union Cabinet chuan Scheduled Caste, Scheduled tribe leh Other backward Clases-te’n an tana sawrkar hna hauhsak, an hnawh khat zo lo lutuk ṭhin tihziaawm nana ruahmanna siam, Special Recruitment Drive pawh a pawmpui bawk a ni.

Hengte bakaha hian Union Cabinet chuan Malayalam chu Classical Language-a pawm a remti a. Heti a nih chuan Malayalam ṭawng hmangtute chu khawvel pum huap chawimawina sâng pahnih dawng thei tura chhawpchhuah theih an ni dawn ta a ni.

Nimin Dt 21st May(Tuess)zing dar 11:00am khan Serchhip Sub-Hqrs YMA Building Bazar vengah Healt Awareness Campaign neih a ni a,he Health Awareness Campaign hi Pu Laldawnkima,Chairman,Health& Sanitation Sub Committee in kaihruaiin Natna chi hrang hrang a mithiam hrang hrangten thusawina neiin,zawhna leh chhanna hun hman a ni a,he hunah hian JN Hospital Serchhip a doctor [...]

Nimin May 21 chawhnu dar 1:00-ah khan Serchhip MZP Headquarters buatsaihin Hmar Veng YMA Hall-ah zirlai titha chawimawina hun hman a ni a, hetah hian Serchhip DC Smt Juhi Mukherjee chu khuallian a ni a, DEO Pu Zolawma chu khualzahawm a ni. He hun hmanna hi Pu Lalramnghaka Kawlni, MZP Vice President chuan a kaihruai [...]

Nimin chawhnu dar 1:00 khan Lunglei Saikuti Hall ah MZP Hqrs. Lunglei buatsaihin MBSC hnuaia HSLC leh HSSLC result chhuak a Mizo Zirlai titha chawimawi na hun hman a ni. Pu Joseph Lalhimpuia, Vice chairman HPC Lunglei chu khuallian a ni. Pu Mahima chuan thusawiin chhimbiala zirlai chawimawi tlakte chawimawina hun hman theih anih avangin [...]

Centre of Exelence Serchhip ram Lunglei zau a Horticulture hma lakna in Terrace laihna tur mi 60 hnen ah Rs 20000 theuh in nimin khan Horticultur Office Serchhip atangin semchhuah a ni a, Horticulture Department te hian Terrace an laih hi an laihzawh vek hnu ah endik leh in Rs. 20000/- dang an pe leh [...]

Nimin May ni 20 khan Serchhip Farming Co-Operative Society Ltd. chuan Serchhip Hmar Veng YMA Hall ah Annual General Assembly an hmang a, he hun an hman na ah hian Share Holder te tel in member an kal tha hle. Nimin a Serchhip Farming Co-Operative Society Ltd. in Annual General Assembly an neihna ah hi [...]

Nimin may ni 20 khan a ni khatna atan Serchhip RD Block huam chhunga khaw 15 tan chhungkaw 88 hnenah Rural Housing Scheme hnuai ah Rangva Bundel 4 zelin Serchhip RD Godown atangin sem chhuah a ni a, Rural Housing Scheme hnuaiah hian Serchhip RD Block huam chhunga khaw hrang hrang ah hian chhungkaw 158 [...]

Mizo Zirlai Pawl (MZP) chuan nimin khan kan rama hlemhletna leh eirukna te alo kiam a, chak zawka do a nih theih nana ṭul ang leh chak zawka hma la theitu tur Mizoram Lok Ayukta Draft Bill MZP-in a buatsaih chu Chief Minister Pu Lal Thanhawla hnenah an thehlut.

Chief Minister chuan Mizoram-ah Lok Ayukta din a nih theih nan chak taka hmalak mek a nih thu leh chak lehzuala lo bawhzui a tum thu MZP hruaitute hi alo hrilh niin thulakna chuan a tarlang.

MZP chuan Chief Minister hnenah hian Mizorama Gorkhali ten Other Backward Classes (OBC) dinhmun an dil chungchangah leh Mizoram sawrkarin Dawrpui khawtlang hnena Civil Hospital ram Multi Purpose Centre atana a sahthlak chu sut leh tura ngenna Memorandum an thehlut nghal bawk a ni.

MZP chuan High School zirtirtu la tura inkaihhruaina, Recruitment Rules dinglai mek chu thalo an tih thu thlenin, subject hrang hrang zirtir tur bik zirtirtu lak an nih theih nana ruahmanna thar siam turin an ngen a, High School bikah Graduate hrim hrim tan subject zawng zawng zirtir a harsat avangin Mathematics leh Science subject bik phei chu B.Sc leh B.Com tan lo chuan zirtir ngaihna pawh a awm lo hial a ni an ti a, hetihlaia High School zirtirtu tur lak an nihin hna dil thei chin tehfung atan ‘Recognised University aṭanga graduate zawng zawng’ tih anih thin avangin subject hrang hrang zirtir tur bik lak an ni thei ṭhin lo a, chu chuan nasa taka harsatna siamin school hrang hrangah zirtirtu, a bikin Mathematics leh Science subject zirtirtu tur indaihlohna siamin Mathematics leh Science zirtirtu nei mumal loin zirlai tam takin HSLC exam an hmachhawn phah fo ṭhin a ni, an ti.

Heng bakah hian, Education budget tihpun chungchang, Mizoramin High Court hranpa a neih theih nana hma laksak tura ngenna te, Mizoram District zinga MPSC exam centre la nei lo district 3 Mamit, Lawngtlai leh Kolasib District te a MPSC examination centre dah a nih theih nan leh khawi hmun aṭang pawh a Income Certificate lak chhuah a nih theih nana hma la tura ngenna an thlen bawk a ni.

Chief Minister chuan an thil thlen te hi chak taka lo bawhzui a tum thu a hrilh a, Mizoram-ah Lok Ayukta din a nih theih nan chak taka hmalak mek a nih thu leh chak leh-zuala lo bawhzui a tum thu a sawi bawk a ni.

Aizawl-ah nimin khan zu chhe in vangin mi 2 an thi a, midang 22 Aizawl Civil Hospital-ah enkawl mek an ni a, mi 4 chu an ngaihtuahawm hle.

Civil Hospital atanga thudawn danin, thi te hi, PC Lalromawia (24) s/o PC Hrangmawia, Maubawk leh Laldawngzela (21) S/o Khawlthangi Khawzawl Zuchhip veng te an ni a, damdawiin thlenpui an nih hnu rei vak loah an thi a ni.

Police te sawi danin, Zu chhe in zinga tel ve hmeichhe pakhat chu Salem Veng World Bank Road-a mi ni a sawi a ni a, zu pawh hi ama pekchhuah ni a rinhlelh niin, nikhaw hreloa a awm avangin a hnen atangin thuchiang hriat theih a ni rih lo a ni.

Mizoramah Kum 1997-a Zu Khapna Dan, Mizoram Liqour Total Prohibition puan atangin zu chhe in vanga thi zat chu 57 an ni tawh a, an zinga 7 chu hmeichhia an ni.

Mi 17 in nunna an chan phahna tunhnaia Laipuitlang leimin-a chhiatna nasa tak thlenna chhan chhui chianna Magisterial Inquiry Report-1 ‘Laipuitlang Landslide’ tih chu nimin khan Aizawl Dist Magistrate Dr Franklin Laltinkhuma’n GAD Secretary Ashwani Kumar hnenah a thehlut a, report kimchang hi mipui hriat tura tlangzarh a la ni lo a ni.

Tun thla ni 11-a PWD building chimin chhiatna a thlen chungchang report hi phek 29 a chhah a ni a, hetah hian he chhiatna thlenga mawhphurtu ni a ngaih te leh building chim chhan te pawh tarlan a nih rin a ni.

PWD building chim avang hian mi 17 in nunna an chan bakah hliam engemaw zat an awm a, In 10 a chhiat bakah lirthei leh thil dang engemaw zat a chhe tel bawk a ni.

He thil thleng avang hian pawl ṭhenkhat chuan FIR thehlutin kum 2010 khan PWD building hi a khik ṭan tawh thu te, vawi engemaw zat PWD hotute dawr a nih hnuah nikum October ni 19 khan ṭhiah phal chauh a nih thu leh kumin April ni 2 khan tender ti chhuaka ni 9 a ṭhiat tura work order pek a nih thu te an lo tarlang tawh a, he chhiatna a mawhphurtu te hi an phu tawka hrem tur leh a thil chan ang hlutna hu tawk pawisa pe turin an phut a ni.